Naqshadda Guud ee Gegida Dayuuradaha (SAMP)
Mashaariicda Xilliga dhaw
Dib U eegista Degaanka

XOGTII U DAMBEYSAY FEBRAAYO 2019

Waanu uga mahad celineynaa dhamaan dadkii ka qeyb qaatay talo soo jeedinta SAMP ee mashruuca mudada dhaw iyo mudada dheerba, taasoo ku ekeyd 28 Siteembar 2018. Maamulka Duulimaadyada ee  Dawladda Dhexe (FAA) iyo Gegida Diyaaradaha ee Seatle waxa ay ra’yi dhiibashadiina u qaadanayaa si dhab ah iyaga oo idinkaga mahadcelinaya dadaalka ay hay’ad kasta iyo qof kasta kaga qeyb qaatay. 

FAA ayaa bilowday Nidaamka Degaanka ee Heer Qaran (NEPA)Qiimeynta Degaanka (EA) iyo Gegida Diyaaradaha ee Seattle oo bilaabay Qiimeynta Degaanka ee Heer Gobol (SEPA)Warbixinta Raadreebka Degaanka (EIS) si ay qiimeyn ugu sameeyaan una soo bandhigaan saameynta laga yaabo in ay ka dhalan karto Mashruuca ee Mudada Dhaw.     

Ra’yi dhiibashadii la soo gudbiyey mudada dhaqangelinta waa la eegay waxaana la siinayaa tixgelin marka la eegayo arrimaha la xiriira degaanka.  Gegida Diyaaradaha ee Seattle iyo la taliyayaashooda, iyaga oo kaashanaya FAA waxa ay sameynayaan qiimeynta degaanka.   

FAA iyo Gegida Diyaaraduhu waxa ay soo saarayaan laba warbixin oo kala duwan, warbixinta FAA ee NEPA, EA oo marka la soo saarayo iyo tan xigta ee go’aanka degaanka; oo ay ah Warbixinta Gegida ee SEPA, EIS. Waxaa jiri doona dib u eegista hay’adda iyo dadweynaha iyo muddo ra’yi ka dhiibasho labada warbixinba.

Iyada oo FAA iyo Gegidu ay labadaba sameynayaan qiimeyn la xiriirta degaanka iyo sidii si haboon loogu fahmi lahaa xiliga qoraalka warbixinta, Gegida ayaa soo boggeeda internetka ku soo bandhigeysa hadba meesha wax marayaan iyo talaabada xigta.

Taariikh hore

Waa Maxay Qorshaha Aasaasiga Ah ee Mudada Dheer ee Gegida Dayuuradaha (SAMP)?

Waxaa la filayaa in ay korodho tirada dadka deggan gobolka Central Puget Sound ilaa hal milyan sanadka 2035. Qorshaha Aasaasiga Ah ee Mudada Dheer ee Gegida Dayuuradaha (SAMP) waa mid ka tarjumaya isbedelka ku imanaya Gegida dayuuradaha ee Caalamiga ah ee Seattle-Tacoma si uu ula saanqaado saadaasha iyo baahida mustaqbalka. 30Ka Maajo (May) waxa aynu bilownay 16 todobaad oo olole wacyi gelin ah oo dadweynaha lagu wargelinayo waxyaabihii ugu dambeeyey ee Qorshaha Aasaasiga Ah ee Mudada Dheer ee Gegida Dayuuradaha.

SAMP waxaa ka mid ah Mashaariicda mudada gaaban ee Gegida dayuuradaha ee caalamiga ah ee Seattle-Tacoma ee lagu talo jiro in la dhiso 2027 oo ah waxyaabaha xoogga la saarayo ee qiimeynta degaanka. SAMP waxaa ka mid ah Aragtida Mudada dheer ee Sea-Tac kaasoo ay ka mid yihiin mashruucyada aan lagu sameyn qiimeynta degaanka xilligan, ee u baahan daraasad dheeraad ah laakiin aan la garaneyn xilliga la sameyn doono. Inta aan la dhaqan gelin Mashruuca Aragtida Dheer, waa in la sameeyaa daraasad dheeraad ah oo ku saabsan qorsheynta iyo qiimeynta degaanka ee ku haboon.

Gegidu waxa ay xilligan hirgelineysaa dharaasad dhameystiran ee raadka uu ku yeelan karo degaanka ee SAMP, iyada oo la raacayo sharciyada u degsan (SEPA) iyo Sharciyada Ilaalinta Degaanka ee Heer Qaran (NEPA). Sharciyadan waxa ay waajib ka dhigayaan in dadweynaha si joogta ah looga qeyb geliyo. FAA iyo maamulka gegidu waxa ay idinku marti qaadayaan in dadwaynuhu ra’yigooda ka dhiibtaan kulamada looga hadlayo qoraalada qiimeynta degaanka, Saameynta Laga yaabo inuu ku yeesho degaanka, iyo waxyaabaha bedelka u noqon kara Mashruuca Mudada Dheer. Muddo 60 maalmood ah oo ra’yi lagaga dhiibanayo daraasadda ayaa lagu jiraa taasoo dadweynaha iyo dhinacyada daneynaya fursad u siineysa in ay cabiraan ra’yigooda ku wajahan dhinacyada kala duwan ee qiimeynta degaanka.

Ujeedada iyo Baahida

Waxa la doonayo iyo sababta loo doonayo

Odhaahda Baahida iyo Qiimeynta waa qeyb muhim oo ka mid ah Nidaamka Qiimeynta Degaanka. Baahida waa tan lagu ogaado waxyaabaha la doonayo in wax laga qabto. Ujeedaduna waa xalka dhibaatada jirta. Baahida iyo ujeedada waxaaa loo adeegsanayaa in ay ka talo bixiyaan helitaanka waxyaabaha bedelka u noqon kara inta ay socoto Qiimeynta Degaanka.

UJEEDADA
Gegida dayuuradaha ee caalamiga ah ee Seattle-Tacoma (Sea-Tac) waa mid laf dhabar u ah adegga gaadiidka cirka ee gobolka. Ujeedada laga leeyahay mashaariicda xilliga dhaw waa in la horumariyo taabagalka hawlgalka, loona diyaargaroobo koritaanka mustaqbalka iyada oo la kordhinayo mugga shidaalka iyo waxyaabaha la xiriira shidaalka.

BAAHIDA
Shan baahiyood oo aasaas u ah mashaariicda xilliga dhaw ee la aqoonsaday waa:

  • Goobaha laga raro rakaabka oo aan ku filneyn in ay daboolaan baahida mashruuca si tayo leh
  • Dhismayaasha oo aan ku filneyn in ay daboolana baahida xamuulka ee gegida
  • U hogaansanaan la’aanta sharciyada Maamulka Duulimaadyada ee dawladda dhexe
  • Dib u dhaca diyaarada oo aad u fara badan
  • Haamaha keydka shidaalka oo aan ku filneyn mashruuca iyo beekhaaminta shidaalka mudada ee Seattle
Talaabooyinka Lagu Talinayo

Mashaariicda Xiligga dhaw ee SAMP

Talaabada lagu talinayo in la qaado waa in la dhaqangeliyo talaabada ugu horeysa ee SAMP, taasoo na fareysa hergelinta 30 mashruuc oo xilliga dhaw ah kuwaas oo horumarinaya tayada, amaanka, adeegga gegida iyo adeegga gargaarka ee diyaarada iyo gegida.

Talaabooyinka lagu talinayo waxaa fure u ah dhismaha goob dheeraad ah oo rakaabka ah, goob dhexe oo dayactirka ah, xarun xamuulka ah oo ka baxsan gegida, dib u habeynta wadooyinka diyaaradaha, iyo balaarinta keydka shidaalka.

Talaabooyinka Lagu Talinayo waxa ay suurogelinayaan qiyaastii 477,000 oo hawlgal diyaaradaha ah sanad kasta iyo 56 milyan oo rakaab ah.

Mashaariicda xilliga dhaw waxa la dhameystirayaan ama kuwa iminka socdaba 2027.